Son Nuria Barreras, unha artista gráfica freelance con ampla experiencia en deseño para impresión, produtos dixitais e ilustración. Son historiadora da arte e teño traballado para museos, institucións, axencias e particulares.

A miña responsabilidade é desenvolver experiencias gráficas e interactivas significativas, que conten historias, creando un universo particular. A miña especialidade é a arte, a cultura e sobre todo a educación. E dentro da educación, a gamificación de contidos.

O nome do estudio é Mou, como homenaxe á pequena aldea galega na que se ubica. Feito nada banal, o rural dixital, a aventura de unir o mellor dos dous mundos: regar as leitugas escoitando un podcast de marketing ou traballar en remoto escoitando os paxariños.

Mou é tamén unha rede profesional, colaborando con outros artistas e o mellor equipo técnico que un proxecto poda precisar.